於97年同香港人say goodbye的荔園遊樂場，最近於佐敦「翻生」！其實荔園並非重開，而是開了間以它為主題的餐廳。兩位70後因眼見近日香港人負面情緒高企，所以用舊荔園作布置藍本，將香港人的童年回憶重現。

座位特別造成「叮叮車」和過山車造型，又有機動遊戲「恐龍屋」、掟階磚攤位上的「白箭」擺設。當然更少不了荔園象徵之一「天奴」，老闆特別訂造了大象擺設放在門口，成功吸引到不少途人駐足觀望。

兒童餐創意滿瀉

菜式雖不如室內裝修般搶眼，但以中菜而言亦見心思。像啫啫牛骨髓煲，選用坊間中菜館甚少吃到的牛骨髓，與豬膶、乾蔥一同爆香，牛骨髓口感爽滑，加上乾蔥之香，十分惹味。標明是重溫兒時回憶，又怎少得兒童餐？食物用戰機同跑車餐盤裝載，雖然都是腸仔意粉、煎雞扒等普通菜式，但勝在大人、小朋友皆可選擇。

全間餐廳最浮誇的要數甜品「天奴夢幻樂園」，用Lego砌成一個大型樂園器皿，載着一杯雜果爆谷雪糕，加上乾冰，周圍煙霧瀰漫，又成一個影相位。

荔苑樂園餐廳

地址：佐敦德興街7A-7B號地下

(2015-1-13  晴報)