所謂「無敵是最寂寞」，熊本縣吉祥物KUMAMON部長紅遍海內外，今次參加一田x熊本縣「KUMAMON Fans感謝祭2016 in香港」，KUMAMON專誠早幾日來港，想搵同佢一樣咁有實力嘅本地character交個朋友。

早前，KUMAMON就踩上「華仔天地」會址，不過唔係搵劉德華，係搵劉德華親手設計嘅本地著名原創Characters「Andox & 黑仔」，話要以舞會友。話說KUMAMON一早已於家鄉秘密練舞，一出場即施展渾身解數；但經常跟華仔於大小活動演出嘅Andox & 黑仔亦舞藝超群，三隻吉祥物以舞會友，惺惺相惜，跳得正起勁之際，「神秘嘉賓」劉德華竟然突然現身，仲令KUMAMON開心到「飛起」！

KUMAMON與Andox & 黑仔嘅合作又點止跳舞咁簡單？所謂「相由心生」，一睇KUMAMON同劉德華都咁靚仔，就知兩位「巨星」都非常鍾意做善事。KUMAMON與Andox & 黑仔將合作推出限量版紀念T裇，於即日開始接受優先訂購，所得收入扣除成本後將全數撥捐「童夢慈善基金會」，為本港基層兒童提供學習支援。咁精彩又有意義嘅活動，點可以錯過？

「KUMAMON Fans感謝祭2016 in香港」

熊本縣物產展 及KUMAMON期間限定店

日期：即日 至 4 月5日

地點：全線一田及一田(沙田)期間限定特別展場(新城市廣場3期1樓天幕長廊)

內容：全線一田百貨及超市將同步舉行「KUMAMON Fans感謝祭2016 in香港」物產展，推出多款熊本縣農產品及逾50款KUMAMON獨家限定精品。