小朋友的偏食問題對家長來說，可是最頭痛的一項。有營養師指出，改善偏食問題需要時間，既要改變孩子的飲食習慣，亦要跟從醫生和營養師的建議。不過，家長有何途徑去尋求幫助呢？原來坊間有一對一的營養師諮詢計劃，從而使家長不再孤立無援。

許太的大兒子許展綽今年5歲多，4個月之前，展綽的體重偏輕，身形瘦削，在學校排隊總是頭兩位，食飯更要花上兩至3小時，令許太十分擔心。

三餐正常仍需奶粉幫

許太說：「我個仔其實好大食，但就唔長肉。咁啲家長就介紹我去報一對一嘅營養師諮詢計劃，嗰時先發現，自己因為擔心個仔唔夠飽，係咁迫佢食嘢，反而係佢唔長肉嘅原因。」

營養師向許太表示，小朋友不可少食多餐， 這會令他們食慾大減；但小朋友按時食三餐仍未足夠，因為他們沒有吸收足夠的營養，所以需要借助奶粉這些營養補充品的幫助。

四成童有偏食問題

許太又說：「營養師話要早晚各一杯，我一開始都唔係好信飲多杯會有咩幫助，兩個月之後，佢真係肥咗2公斤！」

註冊營養師陳國賓稱，在本港兩歲至7歲的小朋友，四成有偏食問題，家長亦是一個造成他們偏食的原因。

陳國賓說：「有啲家長幫小朋友報各種興趣班，所以食嘢嘅問題就唔係點理，久而久之小朋友對正常食嘢就有所偏離。」

兒科醫生杜蘊瑜則說，偏食除對小朋友的身高及體重有影響外，腦部發展亦會有阻礙，所以若發現小朋友偏瘦和不食某些食物，應盡早與醫生商量。

免費見營養師

一對一營養師諮詢計劃由惠氏及幼聯合辦，費用全免，為時四個月。計劃有五次的見面時間，有3次和營養師的個人會面，其中會為小朋友作評估和提供飲食建議。另外，會有親子烹飪班和見兒科醫生，使家長能更清楚孩子的狀況，並作出適當的調整。

(2014-12-5  都市日報)